Предавањата на вон. проф. д-р Јоана Косевска

Linkedin   
Whatsapp   

Почитувани колешки и колеги,

Ви ги споделуваме предавањата на вон. проф. д-р Јоана Косевска што ги одржа на 19 и 20 септември 2022 година на Филозофскиот факултет, а во организација на Македонското научно здружение за аутизам.

Психолошки аспекти на аутизмот

Лични ресурси во справување со аутизмот

Аутизмот во Полска

Доколку ги користите, не заборавајте да ги цитирате, инаку ќе се смета за плагијаторство.

Претседател на МНЗА

МНЗА коорганизатор на конференција во Индија

Linkedin   
Whatsapp   

Почитувани читатели,

Со задоволство ве информираме дека МНЗА стана коорганизатор на конференција на Индиската академија за здравствена психологија што ќе се одржи во Индија од 22 до 24 декември 2022 година. Пријавувањето, темите и другите важни детали можете да ги најдете на следниот ЛИНК. Доколку се формира група на стручњаци од Македонија или Балканот би можело да се направи и онлајн учество. Ги очекуваме вашите пријави.

Претседател на МНЗА

Нова серија вебинари со светските експерти за аутизмот

Linkedin   
Whatsapp   

Почитувани колешки и колеги,

Со задоволство сакаме да ве поканиме на новата серија вебинари на МНЗА и Autism Research Institute (ARI) од Сан Диего, САД. ARI е еден од најпрестижните светски центри за аутизам кој се занимава со оваа проблематика околу 60 години. Затоа ни претставува голема чест што ќе имаме можност да бидеме домаќини на врвни експерти од областа на аутизмот. Како што знаете, ние веќе 1,5 година организираме серија на вебинари наречени „Светските експерти на аутизмот гости на МНЗА“. Сега само го продолжуваме континуитетот.

Па така на 10 октомври со почеток во 19:00 часот по македонско време ќе го реализираме 14-от вебинар по ред со проф. д-р Роберт Хендрен, психијатар од Сан Франциско.

Д-р Роберт Л. Хендрен, е професор по психијатрија и бихевиорална наука; Оддел за детска и адолесцентна психијатрија; Ко-директор на Центарот за дислексија при Универзитетот на Калифорнија во Сан Франциско (UCSF); и директор на Програмата за истражување на невроразвојни и применливи резултати (PRONTO). Д-р Хендрен е поранешен претседател на Американската академија за детска и адолесцентна психијатрија (2007-2009). Има објавено повеќе од 150 научни труда и 5 книги. Неговото име секоја година е дел од списокот „Најдобри доктори во Америка“, од објавувањето на овој список во 1996 година.

 Д-р Хендрен ја завршил својата резиденција по општа психијатрија на Медицинската постдипломска школа во Мајо, а специјализацијара по детска и адолесцентна психијатрија ја завршил во Центарот за проучување на деца на Јеил. Тој е сертифициран член на одборот за општа, како и за детска и адолесцентна психијатрија. Бил вработен на Медицинската школа при Универзитетот Џорџ Вашингтон, на Медицинската школа при Универзитетот на во Ново Мексико и на Универзитетот за медицина и стоматологија во Њу Џерси (денес Универзитет Рутгерс) – Медицинските школи Роберт Вуд Џонсон и Њу Џерси. Од 2001 до 2009 година, тој бил професор по психијатрија, извршен директор и Цакопулос-Висмара претседател на Универзитетот во Калифорнија, Дејвис, Институт M.I.N.D. (Медицинско истражување на невроразвојни нарушувања).

Сегашните области на истражување и интерес за публикување на Д-р Хендрен се применливи интервентни резултати, вклучувајќи клиничка фармакологија, нутрацевтски и нутриционистички испитувања со употреба на биомаркери (метаболомика, мерки за воспаление, оксидативен стрес, имунолошка функција, фармакогеномика и невровизуелизација) за подобрување на отпорноста при невроразвојни нарушувања. Денес применува пристап за истражување со таргетирани резултати на проекти во соработка со Школата Оук Хил за млади со тежок аутизам и невроразвоен спектар, Школата Чарлс Армстронг, Академијата Атена и Школата Чартвел за млади со дислексија.

Предност за присуство на овој вебинар и за следните два до Нова Година ќе имаат доктори по медицина, затоа што темите се строго медицински и секако членовите на МНЗА. Бројот на учесници е строго ограничен и за да добиете линк на платформата ЗУМ задолжително треба да се пријавите на следниот ФОРМУЛАР и да оставите точна е-пошта. Пријавувањето ќе се одвива најдоцна до 05.10.2022 година, по што формуларот ќе биде затворен. Ви благодариме што се пријавувате на нашите вебинари.

Претседател на МНЗА

„Светските експерти за аутизмот гости на МНЗА“

Linkedin   
Whatsapp   

Почитувани колешки и колеги,

Со особено задоволство сакаме да ве поканиме на серијата предавања што ќе ги одржи вонреден проф. д-р Јоана Косевска од Педагошкиот универзитет во Краков, Полска. Таа инаку е моја познаничка и соработник во последните 15 години во кои реализиравме одлична соработка. Овие предавања се инаку во серијата „Светските експерти на аутизмот гости на МНЗА“ што ги реализираме во последната 1,5 година, но овој пат со физичко присуство во живо на Филозофскиот факултет. Досега имаме пријавено 72 заинтересирани лица, но свесни сме дека многу од нив нема да дојдат. Затоа можеме да си дозволиме да се пријават уште 30-тина лица, за да во живо бидат 50-тина гости. Регистрацијата ќе се одвива најдоцна до 14 септември на следниот Гугл формулар. Инаку, предавањата ќе се одржат на 19 и 20 септември во големиот амфитеатар на ФЗФ со почеток во 13:00 часот. Пријавувањето е задолжително, превод и сертификати не се обезбедени, што значи во аудиториумот ќе имаме студенти и колеги кои ги интересира „чиста наука“. Во прилог се илустрациите за предавањата.

Претседател на МНЗА

Обука за неинтегрирани примитивни рефлекси

Linkedin   
Whatsapp   

Почитувани колешки и колеги,
Ве известуваме дека е планирана обука за месец октомври или најдоцна ноември оваа година во Скопје за АБ програма – проценка и третман на неинтегрирани примитивни рефлекси кај деца со тешкотии во учењето и пречки во развојот.

Примитивните рефлекси, како основа за правилен психомоторен развој, се интегрираат во првите години од животот. Меѓутоа, доколку тоа не се случи, децата може да имаат различни тешкотии во учењето, координацијата, моторните вештини, говорот, слаб имунитет, анксиозност, ноќното мокрење, итн.
Неинтегрираните примитивни рефлекси се присутни и кај децата со пречки во развојот и затоа е важно да се направи нивна процена и третман. АБ програмата е наменета за сите кои се занимаваат со развој и работа со деца (дефектолози, психолози, воспитувачи,…) како и родители. Со програмата АБ ќе го совладате теоретското знаење за развојното и невролошкото значење на примитивните рефлекси и преку практични вежби ќе научите да оценувате и интегрирате 20 примитивни рефлекси. Со вежби за интеграција на примитивни рефлекси, можете да направите стимулација, превенција и се разбира, рехабилитација. Освен кај деца со пречки во развојот, широко се користи и кај деца со типичен развој, кај кои задржаните рефлекси можат да предизвикаат поблаги проблеми како што се во прецизноста на движењето и тешкотиите во учењето.
Резултатите се гледаат многу брзо, често и по првиот третман, а најважно е што нема никакви несакани ефекти и не можете да направите ништо што може да му наштети на детето.
Обуката ги содржи следните единици:
– Примитивни рефлекси, развојно значење, функција и поделба;
– Симетрија:
– Вежби за подготовка за учење, концентрација;
– 20 рефлекси индивидуално третирани со теоретски дел со развојно значење и последици од неинтеграција, тест за рефлексна проценка, вежби за стимулација и рефлексна интеграција.
– Профили на доминација.
По завршувањето на обуката ќе добиете прирачник и сертификат од белградскиот центар за развој БЕРЦ.
Обуката се реализира во временски интервал петок од 15:00 до 19:00 часот, сабота и недела од 10:00 до 17:00 часот. Времето зависи од ритамот на групата, односно времето потребно за вежбање.
Автор и предавач е Александра Буковица, магистер дефектолог-олигофренолог, автор на акредитирани програми, апликации за деца со тешкотии во комуникацијата, MNRI практичар, BRAIN GYM, ATOS советник …

Обуките ќе се реализираат ако се формира група од најмалку 10 учесници. МНЗА дава само морална и академска поддршка и нема да биде вклучена во финансиските трансакции и плаќања за обуката, т.е. нема никаков материјален интерес од истата. Покажувањето интерес од ваша страна започнува веднаш.
Пријавување и информации на e-mail abukovica@gmail.com.

МНЗА

 

ИНФОРМАЦИЈА ДО МЕДИУМИТЕ ЗА ПРОЕКТОТ ISEC-ADE

Linkedin   
Whatsapp   

Почитувани,

Пристапно дигитално образование за ученици со аутизам и интелектуална попреченост: Иновативни решенија и подобрување на компетенциите на едукаторите. Проектот ISEC-ADE (Пристапно дигитално образование за ученици со аутизам и интелектуална попреченост: иновативни решенија и подобрување на компетенциите на едукаторите), беше започнат во 2022 година од меѓународен конзорциум партнери со поддршка од Еразмус плус програмата на Европската унија, како одговор на проширувањето на образовниот јаз и влошување на нееднаквостите на учениците со состојби на аутистичниот спектар (САС) и интелектуална попреченост (ИП) низ Европа, каде што пристапот до можностите за учење што ги нуди дигиталната технологија за ученици со САС и ИП е многу ограничен. Образовниот систем се повеќе е дел од дигиталната трансформација и може да ги искористи нејзините придобивки и можности. Сепак, исто така, треба ефикасно да управува со ризиците од дигиталната трансформација, вклучувајќи го и ризикот од дигитален јаз каде што одредени луѓе можат да имаат повеќе корист од другите. Според ЕАСПД (2020) искуството среде пандемијата на коронавирус, покажа континуирана сегрегација на лицата со попреченост во образовните услови. Оваа сегрегација особено ја доживуваат учениците со „невидливи попречености“ како што се состојбите на аутистичниот спектар (САС) и интелектуалната попреченост (ИП). ISEC-ADE вклучува 6 партнери од академската заедница, експерти за аутизам, професионалци за образование и семејства и тоа од: Македонија се: Македонското научно здружение за аутизам и Аутизам институтот, од Бугарија е: Центар за специјална образовна поддршка „Д-р Петер Берон“, од Кипар е Шипкон, од Грција се: Циклизис и ДАДАА. За ISEC ADE конзорциумот, императив се образовните потреби на учениците со САС и ИП да бидат соодветно адресирани за време на дигиталната трансформација во образованието, без оглед на нивниот тип на школување, имплементирање на правата на лицата со попреченост на инклузивно, достапно и висококвалитетно образование на сите нивоа (UNCRPD). Затоа, главната цел на проектот е да се намали дигиталниот јаз во образованието за ученици со аутизам преку обезбедување инфраструктура за дигитално учење со отворен пристап (веб-апликација) достапна за учениците со аутизам и платформа за споделување на отворени образовни ресурси. Ова ќе одговори на главните предизвици со кои се соочуваат училишните системи поради недостатокот на дигитални алатки и образовни содржини за учениците со САС и ИП. Сепак, на едукаторите им треба збир на дигитални компетенции специфични за нивната професија за да можат да го искористат потенцијалот на дигиталните технологии за подобрување и иновирање на образованието, како и наставни компетенции специфични за САС и ИП. Во однос на оваа потреба, ќе се обезбеди натамошна поддршка на образовната заедница со методолошки насоки за имплементација на дигиталната алатка за достапни и квалитетни можности за учење, како и можности за професионален развој на воспитувачите, бидејќи тие работат на обезбедување на правично образовно искуство за ученици со аутизам и интелектуална попреченост.

Project ISEC – ADE

Linkedin   
Whatsapp   

Dear readers,

Accessible digital education for learners with autism and intellectual disabilities: Innovating solutions and enhancing educators’ competences The project ISECADE (Accessible digital education for learners with autism and intellectual disabilities: Innovating solutions and enhancing educators’ competences), was commenced by an international consortium of partners with support by the Erasmus plus program of the European Union, in response to the widening education gap and exacerbating inequalities for learners with ASC and ID across Europe, where access to learning opportunities offered by digital technology for learners with ASC and IDis very limited. The education system is increasingly part of the digital transformation and can exploit its benefits and opportunities. However, it also needs to effectively manage the risks of the digital transformation, including the risk of an digital divide where certain people can benefit more than others. According to the EASPD (2020) the experience amid the coronavirus pandemic, demonstrated continued segregation of people with disabilities in education settings. This segregation is experienced particularly by learners with “invisible disabilities” such as autism spectrum conditions (ASC) and intellectual disabilities (ID). ISECADE includes 6 partners representing academia, autism experts, education professionals and families from BulgariaCenter for special educational support “Dr Peter Beron”, CyprusShipCon, GreeceCyclisis & D.A.D.A.A, Macedonia – Macedonian Scientific Society for Autism and Autism Institute. For the ISECADE consortium, it is imperative that the educational needs of learners with ASC and ID are adequately addressed during the digital transformation in education, whatever their type of schooling, implementing the rights of persons with disabilities to an inclusive, accessible and high quality education at all levels (UNCRPD). Therefore, the main objective of the project is to reduce the digital divide in education for learners with autism by providing open access digital learning infrastructure (web app) accessible to learners with autism and a platform for sharing open educational recourses. This will address the major challenges faced by school systems due to the lack of digital tools and educational content for learners ASC and ID. However, educators need a set of digital competences specific to their profession in order to be able to seize the potential of digital technologies for enhancing and  innovating education, as well as teaching competences specific to ASC and ID. With regard to this need, further support to education community will be provided with methodological guidelines for implementation of the digital tool for accessible and quality learning opportunities, as well as opportunities for professional development of educators, as they work to provide an equitable educational experience for learners with autism and intellectual disabilities.

MSSA team

Состанок на конзорциумот од Еразмус плус проектот ЛЕБЕЛ

Linkedin   
Whatsapp   

Почитувани посетители,

Од 13 до 15 јуни Македонското научно здружение за аутизам ќе биде домаќин на колеги и колешки од странство во рамките на Еразмус плус проектот ЛЕБЕЛ. Повеќе за активностите на проектот може да најдете ОВДЕ. Гостите ни доаѓаат од следните организации: Eskişehir AFAD, YERSIS, Turkish Down Syndrome Association, ESOGU UZEM, Tohum Autism Foundation, сите од Турција, European Down Syndrome Association, со седиште во Брисел и Univеrsity Cattolica Del Sacro Cuore од Италија. Состаноците ќе се одржуваат на Филозофскиот факултет во Скопје, заради што благодариме на Деканатот за отстапениот простор и ресурси. На состанокот ќе стане збор за досегашните проектни активности, напредокот на веб страницата и речникот, планови за идни состаноци. Инаку проектот трае до 31 декември оваа година и е финансисран од Еразмус програмата на ЕК. Покрај официјалната програма ќе има и богат социјален дел. По неколку години пауза и ние да бидеме домаќини на значаен состанок.

Претседател на МНЗА

Вебинари: Искуства на нашите професионалци во странство

Linkedin   
Whatsapp   

Почитувани посетители на блогот на МНЗА,

Ве известуваме дека од четврток 14.04. 2022 година, во 18:00 часот започнуваме со нова серија на вебинари наречена: „Искуства на нашите професионалци од странство“. Целта ни е од „прва рака“ да дознаеме што се случува со лицата со аутизам и останати видови на попреченост во високо развиените земји. Втора цел ни е да направиме промоција на младите кадри кои заминале од Македонија и успешно се снаоѓаат во нашата дејност.

Како прва гостинка ја најавуваме колешката Флорина Магденовска од Канада која ќе говори на тема: „Поддршка на канадското општество за лицата со попреченост“.

Потоа, втора гостинка на 05.05.2022 година ќе ни биде м-р Марија Максимовска Атанасовска од Нов Зеланд која ќе говори на тема: „Аутизмот и можностите на лицата со аутизам во Нов Зеланд“.

Ви благодариме за тоа што редовно ги следите нашите вебинари. За сите новини поврзани околу вебинарите, следете ги нашите социјални медиуми каде што ги објавуваме линковите за пријавување, линковите за следење и други интересни работи поврзани со истите. Ги повикуваме сите наши млади кадри од странство, кои имаат да споделат некакво искуство да ни пишат на е-поштата president@mssa.org.mk. Доколку процениме дека е вредно да ги вклучиме во програмата, истото ќе го сториме во скор временски период.

Со почит,

Претседател на МНЗА

Откажан настан во Кинотека на Македонија за 2 април

Linkedin   
Whatsapp   

Почитувани медиуми,

Пред малку ми се јавија од Кинотека на Македонија дека им се расипал проекторот и дека нема да можат да ни излезат пресрет по повод 2 април – „Светскиот ден на аутизмот“ во сабота во 12:00 часот. Им предложивме уште 2 термини на 6 и 9 април кои тие не ги прифатија заради претходно предвидената програма. Во таа насока НЕМА да се реализира настанот: „Дружење, дружење и само дружење“ и да продолжиме со дружењето со младинците со АСН преку проектот „Пријателски места за аутизмот“ во кој се одржуваа младински работилници секоја сабота со група на младинци со аутистичен спектар на нарушувања во седиштето на МНЗА, поточно на Филозофскиот факулет во Скопје. На 2 април НЕМА да биде прикажан филмот „Стела“.

Искрено жалиме за оваа ситуација и се извинуваме ако некого доведовме во заблуда заради оваа „виша сила“ која не можевме да ја предвидиме.

Со почит,

Претседател на МНЗА