Повик до општествено одговорните организации за помош на лица со аутизам

Linkedin   
Whatsapp   

Почитувани,

Македонското научно здружение за аутизам ги повикува сите општествено одговорни фирми, компании, музеи, ресторани, кино сали, маркети, да ни се придружат во кампањата „Аутизам пријателски места“, да ги направиме овие организации попријателски и прилагодени за секојдневното функционирање на децата и лицата со #аутизам.
Вклучувањето во овој проект не подразбира никакви посебни финансиски импликации за овие организации.
Потребно е само:
1. Да се има добра волја да се помогне;
2. Да се одреди едно лице кое ќе биде одговорно за овој проект и тоа лице ќе треба да помине кус и лесен курс на веб страницата: https://autismfriendlyspaces.eu/
3. Потребно е овие организации да имаат едно темно и мирно место кое би им послужило доколку едно дете или лице добие предизвикувачко и неприлагодено однесување, до оној момент додека се смири.
4. Сите кои ќе се вклучат ќе добијат НАЗНАКА дека се пријателски места за аутизмот и ќе влезат на европската мапа на Гугл мапи.
Сите заинтересирани организации ги молиме да го изразат својот интерес на следната е-пошта: president@mssa.org.mk
Ви благодариме на соработката!
Претседател на МНЗА