//Почитувани читатели,
МНЗА речиси секојдневно е присутно со објави на социјалните медиуми каде што се обидува да го едуцира населението и да помогне на семејствата кои имаат деца и лица со аутизам во Македонија. Тоа го правиме од љубов кон својата струка и желба да придонесеме кон подобро утре на оваа ранлива категорија.
Претседател на МНЗА
//Почитувани читатели,
МНЗА први започнаа да го чествуваат 2 април – меѓународниот ден за подигнување на свесноста на аутизмот уште во 2011 година, иако од ОН беше за прв пат прогласен во 2007 година. Тоа значи дека не сме доцнеле многу зад светот. Организиравме 4 големи манифестации во изминатите 9 години и мноштво на објави на нашите социјални медиуми со што сметаме дека доволно придонесовме за едукација на населението во Македонија.
Претседател на МНЗА
//Почитувани колешки и колеги,
Денес ви ја преставуваме следната презентерка на третиот вебинар што ќе се одржи во четврток на 21.05.2020 во 12:00 часот преку платформата Zoom, а тоа е техничката м-р Тања Станкова, долгогодишен член на МНЗА.
М-р Тања Станкова е дипломиран дефектолог. Работи како училишен дефектолог во ООУ„Ѓорче Петров“-Скопје. Дипломските студии ги завршува во 2010 година на Институтот за специјална едукација и рехабилитација, на Филозофски факултет при Универзитетот „Св. Кирил и Методиј“ во Скопје. Магистерските студии ги започнува на Универзитетот во Осло, Норвешка, во рамки на програмата Специјална едукација, а ги завршува на Институтот за специјална едукација и рехабилитација, на Филозофски факултет при Универзитетот „Св. Кирил и Методиј“ во Скопје 2018 година, со одбрана на магистерскиот труд Сексуална едукација на лица со аутистичен спектар на нарушувања – примена на техниката Социјални Приказни, под менторство на Проф. д-р Владимир Трајковски. Од 2011 година таа е член на Македонското научно здружение за аутизам (МНЗА) (www.mssa.org.mk).
Автор е на пет научни трудови: Вработување на лица со аутизам во Р. Македонија 2010 година; Инклузија на ученици со посебни образовни потреби во редовните училишта во Р. Македонија, 2012; Стратегии за комуникација со лица со Високо функционален аутизам и Аспергер синдром, 2012; Едукативен пристап за отстранување на несоодветно сексуално однесување кај лица со интелектуална попреченост, 2014; Примена Социјални Приказни во сексуална едукација на ученици со развојни нарушувања.
Обучувач: „Спречување на родово базирано насилство и дискриминација меѓу лицата со попреченост од јавната установа Бања Банско, 2019-2020“; „Програма за социјални вештини и позитивно родителство за деца и семејства со аутизам (асп), 2019“; „Постапување со деца со попреченост, жртви на насилство, 2018“; „Едукација за сексуалност и врски за лица со попреченост, 2016-2017“; „Сексуална едукација за лица со попреченост, 2016; Рана детекција на деца со попреченост, 2016“.
ИО на МНЗА
//Почитувани читатели,
На 22 мај 2000 година пет ентузијасти, луѓе пред се` хуманисти решија да го формираат Македонското научно здружение за аутизам. Овие пет професионалци се многу заслужни за она што денес претставува здружението во македонското општество.
Претседател на МНЗА
//Почитувани колешки и колеги,
Имаме чест да ве поканиме на третиот вебинар што ќе се одржи во четврток на 21 мај со почеток во 12:00 часот во рамките на серијата вебинари што веќе ги одржуват членовите на Македонското научно здружение за аутизам. Вебинарите се во рамките на проектот: „Социјални вештини и позитивно родителство кај деца со АСН“, финансиски подржан од УНИЦЕФ МК и Амбасадата на Велика Британија во Македонија. “Третиот вебинар е со наслов: „Сексуален развој и сексуална едукација кај деца со АСН“, а ќе го реализира специјалниот едукатор и рехабилитатор м-р Тања Станкова, долгогодишен член на МНЗА. Модератор ќе биде Весна Филиповска. Вебинарот ќе се реализира на платформата Zoom, а ќе биде пренесуван во живо и на официјалниот Јутјуб канал на МНЗА.
Вебинарот е наменет за родители, специјални едукатори и рехабилитатори, психолози, наставници, студенти и сите кои се заинтересирани за оваа област.
Драги посетители, повелете пријавете се на следниот ЛИНК.
ИО на МНЗА
//Почитувани колешки и колеги,
Во своето 20 годишно постоење членовите на МНЗА имаат учествувано на стотина меѓународни конференции, конгреси, семинари и симпозиуми со што ја оправдуваат својата цел на научно здружение. Со тоа придонесуваат да се чуе гласот на македонската научна мисла во светски рамки. Тие учества биле не само во балаканските земји, туку и во Велика Британија, Белгија, Холандија, Луксембург, Русија, Австрија, Ирска, Полска, Унгарија, Италија, Кипар, Шпанија и многу други држави.
Претседател на МНЗА
//Почитувани колешки и колеги,
Во своето дејствување МНЗА си има зададено мноштво на цели и задачи. Дел од нив речиси секојдневно се реализираат од неуморните членови. Предлагам да ги разгледаме преку илустрацијата најзначајните од нив.
Претседател на МНЗА
//Почитувани колешки и колеги,
Во својата 20 годишна историја МНЗА беше организатор и соорганизатор на 5 стручно научни трибини и тоа не само за аутистичниот спектар, туку и за Даун синдромот. Илустрацијата кажува доста за нашите активности.
Претседател на МНЗА
//Почитувани колешки и колеги,
Имаме чест да ве поканиме на вториот вебинар што ќе се одржи во четврток на 14 мај со почеток во 12:00 часот во рамките на серијата вебинари што ќе ги одржат членовите на Македонското научно здружение за аутизам. Вебинарите се во рамките на пректот: „Социјални вештини и позитивно родителство кај деца со АСН“, финансиски подржан од УНИЦЕФ МК и Амбасадата на Велика Британија во Македонија. “Вториот вебинар е со наслов: „Визуелна поддршка, социјална интеракција, комуникација и предизвикувачко однесување кај деца со АСН“, а ќе го реализира специјалниот едукатор и рехабилитатор Весна Филиповска, инаку секретар на МНЗА. Модератор ќе биде Александра Карагирова.
Вебинарот е наменет за родители, специјални едукатори и рехабилитатори, психолози, наставници, студенти и сите кои се заинтересирани за оваа област.
Повелете регистрирајте се на следниот линк.
ИО на МНЗА
//
