аутизам – Блог на Македонското научно здружение за аутизам

Манифест: Градење на инклузивно општество за аутистичните луѓе

trajkovski / April 2, 2023 / News

Аутизам Европа (AE) е меѓународна асоцијација која ги претставува аутистичните лица и нивните семејства со 90 организации членки во 40 земји, вклучително и во 26 земји-членки на Европската унија (ЕУ). Аутизмот е сложена доживотна развојна попреченост која се доживува различно од секој поединец. Се проценува дека седум милиони луѓе во Европа се аутистични, имајќи предвид дека стапките на преваленција проценуваат дека најмалку еден од 100 луѓе се на спектарот на аутизам. Аутистичните луѓе се соочуваат со многу различни бариери за нивно целосно вклучување во општеството во текот на нивниот живот.

Разберете го аутизмот и вреднувајте ги аутистичните луѓе

Разбирањето на аутизмот и неговата различност е најважно за поттикнување на вклученоста и пристапот до соодветна поддршка за аутистичните лица во општеството. Исто така, неопходен предуслов е да се осигура дека аутистичните лица се прифатени и ценети онакви какви што се. Тоа значи активна борба против штетните предрасуди и дискриминација што ги доживуваат во сите сфери на животот и да се осигураме дека тие не се цел на малтретирање или нефер третман. Зголеменото разбирање на аутизмот во општеството ќе придонесе за отстранување на значајните бариери за аутистичните лица, како што се пристап до дијагноза, образование, навремена поддршка и интервенции, целосно учество во заедницата, влез на отворен пазар на труд или независно живеење со соодветна поддршка.

Аутизам-Европа, исто така, ја повикува ЕУ и нејзините земји-членки да усвојат стратешки и интегриран европски пристап за да се задоволат потребите на аутистичните лица низ Европа и ги охрабрува земјите-членки на ЕУ да усвојат меѓусекторски национални стратегии или акциски планови, во согласност со UNCRPD и меѓународните препораки.

Македонското научно здружение за аутизам (МНЗА) во целост го поддржува Манифестот на Аутизам Европа и ги повикува сите релевантни фактори во Македонија да ги применуваат овие препораки и законски регулативи.

Целиот Манифест можете да го преземете ОВДЕ.

Претседател на МНЗА

МНЗА и во 2023 продолжува со вебинарите за аутизам

trajkovski / January 21, 2023 / Conferences

Viber

Почитувани колешки и колеги,

Сакаме да ве известиме дека МНЗА неуморно и во 2023 година ќе продолжи со одржување на вебинарите со светските експерим за аутизмот. Ви го најавуваме 17-от вебинафр по ред, а четврти во соработка со АРИ за 26 јануари со проф. д-р Бет Малоу.

Д-р Малоу е професор по неврологија и педијатрија, шеф за когнитивен детски развој и директор на Одделот за спиење на Вандербилт и јадрото за спиење на Вандербилт. По завршувањето на комбинираната програма за додипломски и медицински факултет на Универзитетот Нортвестерн, таа служеше како резидент на неврологија во Програмата Харвард-Лонгвуд и како соработник по клиничка неврофизиологија во Националниот институт за здравје. Таа беше на факултет на Универзитетот во Мичиген пред да дојде во Вандербилт во 2003 година. Клиничките, образовните и истражувачките програми на д-р Малоу се фокусираат на влијанието на лекувањето на нарушувања на спиењето врз невролошките болести, со фокус на аутизмот и сродните нарушувања на невроразвојот. тој служи како главен истражувач на Vanderbilt’s Autism Speaks Autism Care Network, еден од повеќекратните регионални центри низ Северна Америка финансирани за развивање стандарди за медицинска нега за деца со аутизам и има спроведено федерално финансирани испитувања на мелатонин и едукација за спиење во однесувањето.

Вебинарот е закажан за во четврток 26 јануари во 19:00 часот. Претходно е потребно задолжително пријавување на Гугл Формс најдоцна до 24.01.2023. Покани и ЗУМ линк ќе им бидат испратени само на тие што пишуваат коректни имиња и презимиња (не само иницијали) и коректни е-пошти.

Се гледаме во четврток вечер.

Претседател на МНЗА

Информација до медиумите – повод едукативниот семинар за катастрофи

trajkovski / December 11, 2022 / Conferences

Viber

Почитувани претставници на медиумите,

Македонското научно здружение за аутизам (МНЗА) по повод завршување на проектот „Учам и ги надминувам своите граници“ има чест да Ве покани на промоцијата што ќе се одржи во понеделник на 12.12.2022 година во 12:00 часот во сала за седници на Филозофскиот факултет во Скопје.

Проектот е финансиран од Еразмус плус програмата на ЕУ и истиот го спроведуваме заедно со други 7 асоцијации од Турција, Италија и ЕДСА.

Проектот е наменет за изработка на образовни документи со специјална образовна методологија за да можат лицата со аутизам, Даун синдром или интелектуална попреченост да се стекнат со вештини за да го покажат вистинскиот курс на дејствување по катастрофи и вонредни ситуации.

Главните цели на овој проект се:

Комуницирање со луѓе од доверба,
Да се остане безбеден,
Надминување на различни ризици од катастрофи и итни случаи.

На промоцијата ќе бидат прикажани резултатите од проектот. Повеќе информации за проектот може да се најдат на веб страниците: http://afadotizmdown.ogu.edu.tr/ и https://www.lebelproject.com/.

Покрај членовите на МНЗА ќе присуствуваат и членови од Дирекцијата за управување со кризи, претставници на Црвениот Крст на град Скопје, родители на деца со аутизам, Даун синдром, интелектуална попреченост и други невладини организации.

Во прилог на оваа информација ви ја праќаме и програмата на настанот и постерот за илустрација. Доколку сте заинтересирани за изјави Ве молиме најдоцна во 11:45 часот да бидете во салата за седници на Филозофскиот факултет во Скопје.

Белешки до уредникот

МНЗА е национална асоцијација со најдолг стаж од 22,5 години во полето на аутизмологијата во Македонија. Главна цел е да ги унапреди правата на лицата со аутизам и нивните семејства и да им помогне да го подобрат квалитетот на нивниот живот. Обезбедува ефективна и ефикасна врска со други меѓународни организации за аутизам и соработува со меѓународни научни и образовни институции. Членовите на МНЗА објавуваат книги, прирачници, памфлети, брошури, како и научни трудови во високо реномирани научни списанија со фактор на влијание.

Претседател на МНЗА

Промоција на ЛЕБЕЛ проектот – 12.12.2022

trajkovski / December 2, 2022December 2, 2022 / Conferences

Viber

Почитувани родители, колешки и колеги,

Македонското научно здружение за аутизам (МНЗА) по повод завршување на проектот „Учам и ги надминувам своите граници“ (ЛЕБЕЛ) има особена чест да Ве покани на промоцијата што ќе се одржи во среда на 12.12.2022 година во 12:00 часот во сала за седници на Филозофскиот факултет.

Проектот наменет за изработка на образовни документи со специјална образовна методологија за да можат лицата со аутизам, Даун синдром или интелектуална попреченост да се стекнат со вештини за да го покажат вистинскиот курс на дејствување по катастрофи и вонредни ситуации.

Главните цели на овој проект се:

Комуницирање со луѓе од доверба,
Да се остане безбеден,
Надминување на различни ризици од катастрофи и итни случаи.

На промоцијата ќе бидат прикажани резултатите од проектот. Повеќе информации за проектот може да се најдат на веб страницата: http://afadotizmdown.ogu.edu.tr/ и https://www.lebelproject.com/.

Напоменуваме дека од 11:30 часот започнува регистрацијата и Ве замолуваме да бидете точни затоа што планираме да почнеме точно во 12:00 часот. Потенцираме дека оваа покана е лична и не е пренослива на други лица. Претходно е задолжително пријавување на Гугл формуларот, а бројот на учесници е строго ограничен. Предност ќе имаат родители на деца со аутизам, Даун синдром и интелектуална попреченост, невладини организации што се занимаваат со оваа проблематика, членови на МНЗА и постдипломци на насоката ИП и аутизам на Филозофскиот факултет во Скопје.

Претседател на МНЗА

Предавањата на вон. проф. д-р Јоана Косевска

trajkovski / September 27, 2022 / Conferences

Viber

Почитувани колешки и колеги,

Ви ги споделуваме предавањата на вон. проф. д-р Јоана Косевска што ги одржа на 19 и 20 септември 2022 година на Филозофскиот факултет, а во организација на Македонското научно здружение за аутизам.

Психолошки аспекти на аутизмот

Лични ресурси во справување со аутизмот

Аутизмот во Полска

Доколку ги користите, не заборавајте да ги цитирате, инаку ќе се смета за плагијаторство.

Претседател на МНЗА

Нова серија вебинари со светските експерти за аутизмот

trajkovski / September 24, 2022 / Webinar

Viber

Почитувани колешки и колеги,

Со задоволство сакаме да ве поканиме на новата серија вебинари на МНЗА и Autism Research Institute (ARI) од Сан Диего, САД. ARI е еден од најпрестижните светски центри за аутизам кој се занимава со оваа проблематика околу 60 години. Затоа ни претставува голема чест што ќе имаме можност да бидеме домаќини на врвни експерти од областа на аутизмот. Како што знаете, ние веќе 1,5 година организираме серија на вебинари наречени „Светските експерти на аутизмот гости на МНЗА“. Сега само го продолжуваме континуитетот.

Па така на 10 октомври со почеток во 19:00 часот по македонско време ќе го реализираме 14-от вебинар по ред со проф. д-р Роберт Хендрен, психијатар од Сан Франциско.

Д-р Роберт Л. Хендрен, е професор по психијатрија и бихевиорална наука; Оддел за детска и адолесцентна психијатрија; Ко-директор на Центарот за дислексија при Универзитетот на Калифорнија во Сан Франциско (UCSF); и директор на Програмата за истражување на невроразвојни и применливи резултати (PRONTO). Д-р Хендрен е поранешен претседател на Американската академија за детска и адолесцентна психијатрија (2007-2009). Има објавено повеќе од 150 научни труда и 5 книги. Неговото име секоја година е дел од списокот „Најдобри доктори во Америка“, од објавувањето на овој список во 1996 година.

Д-р Хендрен ја завршил својата резиденција по општа психијатрија на Медицинската постдипломска школа во Мајо, а специјализацијара по детска и адолесцентна психијатрија ја завршил во Центарот за проучување на деца на Јеил. Тој е сертифициран член на одборот за општа, како и за детска и адолесцентна психијатрија. Бил вработен на Медицинската школа при Универзитетот Џорџ Вашингтон, на Медицинската школа при Универзитетот на во Ново Мексико и на Универзитетот за медицина и стоматологија во Њу Џерси (денес Универзитет Рутгерс) – Медицинските школи Роберт Вуд Џонсон и Њу Џерси. Од 2001 до 2009 година, тој бил професор по психијатрија, извршен директор и Цакопулос-Висмара претседател на Универзитетот во Калифорнија, Дејвис, Институт M.I.N.D. (Медицинско истражување на невроразвојни нарушувања).

Сегашните области на истражување и интерес за публикување на Д-р Хендрен се применливи интервентни резултати, вклучувајќи клиничка фармакологија, нутрацевтски и нутриционистички испитувања со употреба на биомаркери (метаболомика, мерки за воспаление, оксидативен стрес, имунолошка функција, фармакогеномика и невровизуелизација) за подобрување на отпорноста при невроразвојни нарушувања. Денес применува пристап за истражување со таргетирани резултати на проекти во соработка со Школата Оук Хил за млади со тежок аутизам и невроразвоен спектар, Школата Чарлс Армстронг, Академијата Атена и Школата Чартвел за млади со дислексија.

Предност за присуство на овој вебинар и за следните два до Нова Година ќе имаат доктори по медицина, затоа што темите се строго медицински и секако членовите на МНЗА. Бројот на учесници е строго ограничен и за да добиете линк на платформата ЗУМ задолжително треба да се пријавите на следниот ФОРМУЛАР и да оставите точна е-пошта. Пријавувањето ќе се одвива најдоцна до 05.10.2022 година, по што формуларот ќе биде затворен. Ви благодариме што се пријавувате на нашите вебинари.

Претседател на МНЗА

„Светските експерти за аутизмот гости на МНЗА“

trajkovski / September 9, 2022September 9, 2022 / Conferences

Viber

Почитувани колешки и колеги,

Со особено задоволство сакаме да ве поканиме на серијата предавања што ќе ги одржи вонреден проф. д-р Јоана Косевска од Педагошкиот универзитет во Краков, Полска. Таа инаку е моја познаничка и соработник во последните 15 години во кои реализиравме одлична соработка. Овие предавања се инаку во серијата „Светските експерти на аутизмот гости на МНЗА“ што ги реализираме во последната 1,5 година, но овој пат со физичко присуство во живо на Филозофскиот факултет. Досега имаме пријавено 72 заинтересирани лица, но свесни сме дека многу од нив нема да дојдат. Затоа можеме да си дозволиме да се пријават уште 30-тина лица, за да во живо бидат 50-тина гости. Регистрацијата ќе се одвива најдоцна до 14 септември на следниот Гугл формулар. Инаку, предавањата ќе се одржат на 19 и 20 септември во големиот амфитеатар на ФЗФ со почеток во 13:00 часот. Пријавувањето е задолжително, превод и сертификати не се обезбедени, што значи во аудиториумот ќе имаме студенти и колеги кои ги интересира „чиста наука“. Во прилог се илустрациите за предавањата.

Претседател на МНЗА

ИНФОРМАЦИЈА ДО МЕДИУМИТЕ ЗА ПРОЕКТОТ ISEC-ADE

trajkovski / June 15, 2022 / Projects

Viber

Почитувани,

Пристапно дигитално образование за ученици со аутизам и интелектуална попреченост: Иновативни решенија и подобрување на компетенциите на едукаторите. Проектот ISEC-ADE (Пристапно дигитално образование за ученици со аутизам и интелектуална попреченост: иновативни решенија и подобрување на компетенциите на едукаторите), беше започнат во 2022 година од меѓународен конзорциум партнери со поддршка од Еразмус плус програмата на Европската унија, како одговор на проширувањето на образовниот јаз и влошување на нееднаквостите на учениците со состојби на аутистичниот спектар (САС) и интелектуална попреченост (ИП) низ Европа, каде што пристапот до можностите за учење што ги нуди дигиталната технологија за ученици со САС и ИП е многу ограничен. Образовниот систем се повеќе е дел од дигиталната трансформација и може да ги искористи нејзините придобивки и можности. Сепак, исто така, треба ефикасно да управува со ризиците од дигиталната трансформација, вклучувајќи го и ризикот од дигитален јаз каде што одредени луѓе можат да имаат повеќе корист од другите. Според ЕАСПД (2020) искуството среде пандемијата на коронавирус, покажа континуирана сегрегација на лицата со попреченост во образовните услови. Оваа сегрегација особено ја доживуваат учениците со „невидливи попречености“ како што се состојбите на аутистичниот спектар (САС) и интелектуалната попреченост (ИП). ISEC-ADE вклучува 6 партнери од академската заедница, експерти за аутизам, професионалци за образование и семејства и тоа од: Македонија се: Македонското научно здружение за аутизам и Аутизам институтот, од Бугарија е: Центар за специјална образовна поддршка „Д-р Петер Берон“, од Кипар е Шипкон, од Грција се: Циклизис и ДАДАА. За ISEC ADE конзорциумот, императив се образовните потреби на учениците со САС и ИП да бидат соодветно адресирани за време на дигиталната трансформација во образованието, без оглед на нивниот тип на школување, имплементирање на правата на лицата со попреченост на инклузивно, достапно и висококвалитетно образование на сите нивоа (UNCRPD). Затоа, главната цел на проектот е да се намали дигиталниот јаз во образованието за ученици со аутизам преку обезбедување инфраструктура за дигитално учење со отворен пристап (веб-апликација) достапна за учениците со аутизам и платформа за споделување на отворени образовни ресурси. Ова ќе одговори на главните предизвици со кои се соочуваат училишните системи поради недостатокот на дигитални алатки и образовни содржини за учениците со САС и ИП. Сепак, на едукаторите им треба збир на дигитални компетенции специфични за нивната професија за да можат да го искористат потенцијалот на дигиталните технологии за подобрување и иновирање на образованието, како и наставни компетенции специфични за САС и ИП. Во однос на оваа потреба, ќе се обезбеди натамошна поддршка на образовната заедница со методолошки насоки за имплементација на дигиталната алатка за достапни и квалитетни можности за учење, како и можности за професионален развој на воспитувачите, бидејќи тие работат на обезбедување на правично образовно искуство за ученици со аутизам и интелектуална попреченост.

Вебинари: Искуства на нашите професионалци во странство

trajkovski / April 10, 2022April 11, 2022 / News

Viber

Почитувани посетители на блогот на МНЗА,

Ве известуваме дека од четврток 14.04. 2022 година, во 18:00 часот започнуваме со нова серија на вебинари наречена: „Искуства на нашите професионалци од странство“. Целта ни е од „прва рака“ да дознаеме што се случува со лицата со аутизам и останати видови на попреченост во високо развиените земји. Втора цел ни е да направиме промоција на младите кадри кои заминале од Македонија и успешно се снаоѓаат во нашата дејност.

Како прва гостинка ја најавуваме колешката Флорина Магденовска од Канада која ќе говори на тема: „Поддршка на канадското општество за лицата со попреченост“.

Потоа, втора гостинка на 05.05.2022 година ќе ни биде м-р Марија Максимовска Атанасовска од Нов Зеланд која ќе говори на тема: „Аутизмот и можностите на лицата со аутизам во Нов Зеланд“.

Ви благодариме за тоа што редовно ги следите нашите вебинари. За сите новини поврзани околу вебинарите, следете ги нашите социјални медиуми каде што ги објавуваме линковите за пријавување, линковите за следење и други интересни работи поврзани со истите. Ги повикуваме сите наши млади кадри од странство, кои имаат да споделат некакво искуство да ни пишат на е-поштата president@mssa.org.mk. Доколку процениме дека е вредно да ги вклучиме во програмата, истото ќе го сториме во скор временски период.

Со почит,

Претседател на МНЗА

Информација до медиумите по повод Светскиот ден на аутизмот

trajkovski / March 31, 2022March 31, 2022 / News

Viber

Почитувани медиуми,

Оваа година повторно се вклучивме и во онлајн кампања на Аутизам Европа која се спроведува ширум Европа, а е наречена: „Среќно патување низ животот“ за да се нагласи дека е потребен холистички пристап во текот на целиот животен век и за да се осигуриме дека лицата со аутизам можат да ги уживаат своите права и да живеат среќни и исполнети животи. Се проценува дека 7 милиони луѓе се во спектарот на аутизам во Европската унија. Повеќето од нив доживуваат дискриминација во многу области од животот. Кампањата „Среќно патување низ животот“ има за цел да ги истакне грижите и желбите на лицата со аутизам и нивните семејства во однос на различни клучни прашања како што се пристап до образование, вработување, соодветна поддршка за инклузија, самостоен живот, пристапност и политичко учество, меѓу другите.

Оваа недела на нашите социјални медиуми Фејсбук, Твитер, Линкедин, Инстаграм беа споделени многу банери и постери со интересна содржина. Луѓето што сакаат да ја подржат кампањата можат слободно да ги споделуваат овие пораки користејќи го хаштагот #AutismDay2022.

Белешки до уредникот

Светскиот ден на аутизмот беше прогласен од страна на Генералното собрание на Обединетите нации во 2007 година како годишен ден за да се привлече вниманието за итните потреби на лицата со аутизам ширум светот.

МНЗА е национална асоцијација (составена од професионалци) со најдолг стаж веќе 22 години во полето на аутизмологијата во Македонија. Главна цел е да ги унапреди правата на лицата со аутизам и нивните семејства и да им помогне да го подобрат квалитетот на нивниот живот. Обезбедува ефективна врска со други меѓународни организации за аутизам и меѓународни научни и образовни институции.

За повеќе информации и интервјуа, Ве молиме искористе ги контактите од меморандумот.

Со почит,

Претседател на МНЗА