Tag: Светски ден

Почитувани медиуми,

Оваа година повторно се вклучивме и во онлајн кампања на Аутизам Европа која се спроведува ширум Европа, а е наречена: „Среќно патување низ животот“ за да се нагласи дека е потребен холистички пристап во текот на целиот животен век и за да се осигуриме дека лицата со аутизам можат да ги уживаат своите права и да живеат среќни и исполнети животи. Се проценува дека 7 милиони луѓе се во спектарот на аутизам во Европската унија. Повеќето од нив доживуваат дискриминација во многу области од животот. Кампањата „Среќно патување низ животот“ има за цел да ги истакне грижите и желбите на лицата со аутизам и нивните семејства во однос на различни клучни прашања како што се пристап до образование, вработување, соодветна поддршка за инклузија, самостоен живот, пристапност и политичко учество, меѓу другите.

Оваа недела на нашите социјални медиуми Фејсбук, Твитер, Линкедин, Инстаграм беа споделени многу банери и постери со интересна содржина. Луѓето што сакаат да ја подржат кампањата можат слободно да ги споделуваат овие пораки користејќи го хаштагот #AutismDay2022.

Белешки до уредникот

Светскиот ден на аутизмот беше прогласен од страна на Генералното собрание на Обединетите нации во 2007 година како годишен ден за да се привлече вниманието за итните потреби на лицата со аутизам ширум светот.

МНЗА е национална асоцијација (составена од професионалци) со најдолг стаж веќе 22 години во полето на аутизмологијата во Македонија. Главна цел е да ги унапреди правата на лицата со аутизам и нивните семејства и да им помогне да го подобрат квалитетот на нивниот живот. Обезбедува ефективна врска со други меѓународни организации за аутизам и меѓународни научни и образовни институции.

За повеќе информации и интервјуа, Ве молиме искористе ги контактите од меморандумот.

Со почит,

Претседател на МНЗА

Почитувани пријатели на МНЗА,

Оваа година повторно ќе се вклучиме во онлајн кампањата заедно со Аутизам Европа која се спроведува ширум Европа, а е наречена: „Среќно патување низ животот“ за да се нагласи дека е потребен холистички пристап во текот на целиот животен век и за да се осигуриме дека лицата со аутизам можат да ги уживаат своите права и да живеат среќни и исполнети животи.

Кампањата „Среќно патување низ животот“ има за цел да ги истакне грижите и желбите на лицата со аутизам и нивните семејства во однос на различни клучни прашања како што се пристап до образование, вработување, соодветна поддршка за инклузија, самостоен живот, пристапност и политичко учество, меѓу другите.

Следната седмица на нашите социјални медиуми Фејсбук, Твитер, Линкедин, Инстаграм ќе бидат споделени многу банери и постери со интересна содржина за лицата со аутизам, авторитетите и сите останати лица кои ги засега оваа проблематика. Луѓето што сакаат да ја подржат кампањата можат слободно да ги споделуваат овие пораки користејќи го хаштагот #AutismDay2022.

Тимот на МНЗА

Почитувани младинци и лица со АСН,

Македонското научно здружение за аутизам има особена чест да ве покани да присуствувате на кинопроекцијата на филмот „Стела“ на 2 април 2022 година во Кинотека на Македонија. Во рамките на одбележување на Светскиот ден на аутизмот оваа година се одлучивме да го наречеме настанот: „Дружење, дружење и само дружење“ и ова е само логично продолжение на проектот „Пријателски места за аутизмот“ преку кој се одржуваат младински работилници секоја сабота со група на младинци со АСН во седиштето на МНЗА, поточно на Филозофскиот факулет во Скопје. Сметаме дека дружењето и социјализацијата се многу важна алка во вашиот третман.

Овде изразуваме јавна благодарност на вработените во Кинотека на Македонија за отстапениот простор, ресурси и понудата на филмот кој ќе биде бесплатен за оваа категорија на граѓани и за некој од нивните блиски роднини кои ќе бидат во придружба. Заради пандемијата со Ковид-19 местата се строго ограничени на бројот 70 и за да имаме комплетен увид во бројот на присутни гости Ве молиме да го пополните Гугл формуларот. Пред настанот ќе добиете потврдна е-пошта дека може да присустувате на проекцијата филмот. Филмот „Стела“ ќе биде прикажан на 2 април точно на пладне, а вие треба да бидете дојдени 5-10 минути пред настанот.

Со ова уште еднаш покажуваме дека социјалната инклузија на лицата со АСН е многу битен елемент во нивната рехабилитација и во прифаќањето на оваа група граѓани кои неправедно се маргинализирани од нашето општество.

Претседател на МНЗА